Archive for the ‘[V]-learn Khmer’ Category

រាជធីតុបតី និង រាជសុណិសា

Saturday, October 3rd, 2009

មើលកុនចិនកាប់ដាវជាមួយម៉ាក់ហ្មានង៉ៃហ្នឹង ឮពាក្យថា “រាជធីតុបតី” ឆ្ងល់ថាពាក្យនេះមកពីណាដូចមិនដែលឮ មុននេះមានវចនានុក្រមខ្មែរអេឡិចត្រូនិចក្បែរដៃ ក៏បើកមើលឃើញថា កន្លងមក យល់ខុសតែរហូតចំពោះរាជសព្ទមួយនេះ ។ ធ្លាប់តែគិតថាឲ្យតែ កូនប្រសាស្តេច គេហៅថា “រាជសុណិសា” ទាំងអស់តែពេលមើលវចនានុក្រមខ្មែរ ត្រង់ពាក្យថា “រាជ” ទើបដឹងការពិត ដូចខាងក្រោម ៖

រាជធីតុបតី (–ប៉ៈដី) កូនប្រសាប្រុសរបស់ព្រះរាជា (ហៅត្រឹមតែ ព្រះធីតុបតី ក៏បាន) ។

រាជសុណិសា ឬ –សុណ្ហា (–សុន-ហា) កូនប្រសាស្រីរបស់ព្រះរាជា (ហៅត្រឹមតែ ព្រះសុណិសា ឬ ព្រះសុណ្ហា ក៏បាន)

សុណិសា (ន.) (បា.),(សំ.) (ស្នុឞ‌ា) កូនប្រសាស្រី; (រ. ស.) : ព្រះសុណិសា ឬ ព្រះសុណ្ហា (បុត្រីប្រសា ឬព្រះរាជបុត្រីប្រសា) ។ ព. ផ្ទ. ជាមាតា (–ដា) “កូនប្រសាប្រុស” ។ សុណ្ហា (សុន-ហា)

ប្រសា (ន.) កូនដោយពន្ធ គឺប្រពន្ធឬប្ដីរបស់កូន : កូនប្រសា (ទាំងប្រុសទាំងស្រី ហៅថា កូនប្រសា ដូចគ្នាគ្រាន់តែបញ្ជាក់ថែមថា កូនប្រសាប្រុស ឬ កូនប្រសាស្រី ប៉ុណ្ណោះ; ម. ព. សុណិសា ផង) ។

(កិ.) (ព. សា.) និយាយគ្នា : ចិនប្រសាគ្នា ។ ប្រើជា ន. ក៏បាន : ស្ដាប់ប្រសាគ្នាមិនបាន (ក្លាយឃា្លតមកពី ភាសា “សម្ដី”) ។

*** ស្វែងយល់រាជស័ព្ទបន្ថែម មើលក្នុងពាក្យ “រាជ” ក្នុងវចនានុក្រមខ្មែរ***

Posted in [V]-interested, [V]-learn Khmer | No Comments »

shots of “ផ្លែថ្កូវ”

Friday, October 2nd, 2009

tkauv1

ផ្លែថ្កូវ “ខ្ចី”

tkauv2

ផ្លែថ្កូវ “ទុំ”

ថ្កូវ- ឈ្មោះឈើមួយប្រភេទ ផ្លែទុំមានរសជូរបន្តិចៗ អាចបរិភោគជាអាហារបាន ។ (វចនានុក្រមខ្មែរ)

Posted in [V]-interested, [V]-learn Khmer, [V]-photo (Gallery) | 4 Comments »

ឈ្មោះជាផ្លូវការរបស់ “សាលាក្រុងភ្នំពេញ”

Saturday, May 9th, 2009

កាលពីល្ងាចមិញនេះ ទំនេរបានមើលទូរទស្សន៍ចំម៉ោងព័ត៌មាន បើករាវទៅរាវមក ក៏ចំប៉ះប៉ុស្តិ័ខ្មែរលេខ៩ អ្នកអានវ័យក្មេង (ស្រី) សម្តីមុត ដាច់ដុំហ្មង មិនសូវចូលចិត្តក៏ប្តូរប៉ុស្តិ៍លេខ ៣ រាជធានីភ្នំពេញវិញ ។ ព័ត៌មានអំពីការសាងសង់ផ្លូវថ្មី លុះដល់ស្តាប់ឮពាក្យថា “សាលារាជធានី” ធ្វើឲ្យខ្ញុំប្លែកៗត្រចៀក ចាំផ្ទៀងស្តាប់ម្តងទៀត ក្រែងជាឈ្មោះសាលារៀនទេដឹង សម្រេចសម្រួល គេអានឈ្មោះពេញសាលាក្រុងភ្នំពេញ ដែលយើងធ្លាប់ឮ ឬហៅជាប់មាត់មកថា សាលាក្រុងៗនោះ ជាផ្លូវការ ថាសាលារាជធានី ឬ សាលារាជធានីភ្នំពេញវិញ … ប្រហែលទើបបានប្តូរបន្ទាប់ពីមានការកែក្រុងទៅជាខេត្ត មួយចំនួកាលនប៉ុន្មានថ្ងៃមុននេះហើយ ។

នេះជាការជូនដំណឹងគ្រាន់នឹងជ្រាប…
បំណងល្អពីសាលា~~ក្រុង~~រាជធានីភ្នំពេញ៚
salakrung

Posted in [V]-idea, [V]-interested, [V]-learn Khmer | 16 Comments »

Take A Bow [MADONNA]

Thursday, April 2nd, 2009

I shared this song online almost 10 months ago. I never check download rate before, just saw yesterday…WoW more than 6000 downloads hehehe. I like this song, its meaning as well as singer’s sexy voice … Let’s me shared this to my blog’s fan hehehe…enjoy!

take-a-bow

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

>>> Click to Download this Song <<<

Take a bow, the night is over
This masquerade is getting older
Lights are low, the curtains down
There’s no one here
[There's no one here, there's no one in the crowd]
Say your lines but do you feel them
Do you mean what you say when there’s no one around [no one around]
Watching you, watching me, one lonely star
[One lonely star you don't know who you are]

Chorus:

I’ve always been in love with you [always with you]
I guess you’ve always known it’s true [you know it's true]
You took my love for granted, why oh why
The show is over, say good-bye

Say good-bye [bye bye], say good-bye

Make them laugh, it comes so easy
When you get to the part
Where you’re breaking my heart [breaking my heart]
Hide behind your smile, all the world loves a clown
[Just make 'em smile the whole world loves a clown]
Wish you well, I cannot stay
You deserve an award for the role that you played [role that you played]
No more masquerade, you’re one lonely star
[One lonely star and you don't know who you are]

(chorus, repeat)

Say good-bye [bye bye], say good-bye

All the world is a stage [world is a stage]
And everyone has their part [has their part]
But how was I to know which way the story’d go
How was I to know you’d break
[You'd break, you'd break, you'd break]
You’d break my heart

I’ve always been in love with you
[I've always been in love with you]
Guess you’ve always known
You took my love for granted, why oh why
The show is over, say good-bye

(chorus)

Say good-bye [bye bye], say good-bye
Say good-bye

Music Video (Rated 18 up hahaha)

Posted in [V]-entertain, [V]-learn Khmer | 2 Comments »

ខ្ទាស់គន្លឹះទ្វារ (ការពារសុនខ “ឆ្កួត”)

Wednesday, December 10th, 2008

សេចក្តីជូនដំណឹង ដំណឹងជូនសេចក្តី! វីហ្វូតូ ចាប់ពីពេលនេះតទៅសូមខ្ទាស់គន្លឹះទ្វារ! រាល់ មតិយោបល់ទាំងអស់ នឹងមិនបញ្ចេញឲ្យឃើញភ្លាមៗទេ គឺត្រូវរង់ចាំការសម្រេចអនុម័តពីម្ចាស់ផ្ទះជាមុនសិន ។

មូលហេតុបណ្តាលមកពីមាន សុនខ (ឆ ជើង ក ដាក់ស្រះ អែ) មានផ្ទុករោគឆ្កួតចេញរាតត្បាត … ការធ្វើបែបនេះគឺដើម្បីសុវត្ថិភាព និងជាសិទ្ធិរបស់ម្ចាស់ផ្ទះ ។

សង្ឃឹមថាមិត្រភ័ក្ត ថ្មី ចាស់ ឬ ភ្ញៀវ ដែលមកលេងផ្ទះខ្ញុំទាំងឡាយយោគយល់ និង អធ្យាស្រ័យ ដែលត្រូវចុចកណ្តឹងរង់ចាំម្ចាស់ផ្ទះបើកទ្វារ … ខ្ញុំនឹងព្យាយាមមកបើកទ្វារ ស្វាគមន៍វត្តមានរបស់បងប្អូនឲ្យរហ័សបំផុតតាមដែលអាចធ្វើបាន ។

តែសម្រាប់ភ្ញៀវជូរ ភ្ញៀវចត់ ឬ ផ្អូម បើមិនពេញហឫទ័យ ឬ វាទើសចិត្តខ្លាំងណាស់ មិនបាច់ចូលមកជាន់បរិវេណនេះទេ គ្មានអ្នកណាគេទៅអញ្ចើញអស់លោកអស់អ្នកឲ្យមកឡើយ! “អវត្តមានរបស់អស់លោកអស់អ្នកគឺជាសេចក្តីសុខរបស់ខ្ញុំដែលជាម្ចាស់ផ្ទះ!”

សូមប្រកូកប្រកាសប្រាប់មិត្តភក្តិបងប្អូន Blog ផង! សូមប្រុងប្រយ័ត្នខ្លួន ព្រោះឃើញថាក្រុមសុនខឆ្កួតកំពុងចេញដើររាតត្បាត! បើមិនចង់កើតរោគឈឺក្បាលព្រោះពួកនេះទេ មើលទ្វារផ្ទះទ្វារសម្បែងឲ្យបានល្អ ឬ មិនអញ្ចឹងទេត្រូវធ្វើចិត្តឲ្យធ្ងន់បន្តិចទើបបាន។

ការរាតត្បាតម្តងនេះមកក្នុងទម្រង់ប្លែក បែបបៀមឈាមព្រួសដាក់គេ ព្រោះគេប្រើឈ្មោះរបស់ Blogger មួយចំនួន ដែលគេឯងក្នុងពិភព Blog ស្គាល់ តែវាខុសទាស់ត្រង់ Email និង Link មិនត្រូវគ្នា! ហើយខ្ញុំគិតថា Blogger ត្រឹមត្រូវល្អជា ឬមនុស្សមានខួរក្នុងក្បាលសម្រាប់គិត គេមិនលាក់អត្តសញ្ញាណ (ដូចឆ្កែកន្ទុយខ្វៀន) អញ្ចឹងនោះទេ! មានតែពួកដែលមានខួរនៅនឹងក្បាលជង្គង់សម្រាប់គិត ទេដែលធ្វើទៅរួចនោះ ។

តាមស្មានជំងឺប្រភេទនេះ ទាល់តែបានគេជេរប្រទិចផ្តាសារទើបដកដង្ហើមរួច ។ បើពិតជាអញ្ចឹងមែនខ្ញុំសុំប្រាប់ទៅវិញថាមកខុសកន្លែងហើយ ព្រោះខ្ញុំមិនទុកឱកាសឲ្យពួកវានៅមានជីវិតដកដង្ហើមបានយូរទេ ទុកឲ្យពួកវាត្រដរខ្យល់ ងាប់ ព្រោះមិនបានគេជេរទៅល្អហើយ ងាប់ឲ្យអស់កាន់តែឆាប់កាន់តែល្អ!

វីហ្វូតូ! ៚

Posted in [V]-action, [V]-entertain, [V]-idea, [V]-interested, [V]-learn Khmer, [V]-photo (Gallery), [V]-quiz, [V]-techno, [V]-this & That, [V]-writing | 14 Comments »

A forward Email Story “Daniel & Jasmine”

Wednesday, October 15th, 2008

Daniel: I guess we are the left overs in this world.

Jasmine: I think so.. All of my friends have boyfriends & we are the only 2 persons left in this world without any special someone in our lives

Daniel: Yup! I don’t know what to do.
Jasmine: I know! We’ll play a game.
Daniel: What game?
Jasmine: I’ll be your girlfriend for 30 days & you will be my boyfriend.
Daniel: That’s a great plan in fact, I don’t have anything to do for the following weeks..

(more…)

Posted in [V]-entertain, [V]-interested, [V]-learn Khmer, [V]-quiz, [V]-this & That | 2 Comments »

មហាសង្ក្រាន្តឆ្នាំថ្មី ឆ្នាំជូតសំរឹទ្ធិស័ក ព.ស.២៥៥២

Thursday, April 10th, 2008

ព្រះពុទ្ធសករាជព្រះសាសនាអតិកន្ដា កន្លងទៅហើយបាន ២៥៥១ ត្រឹមថ្ងៃ ១៥កើត ខែពិសាខ លុះដល់ថ្ងៃ ១រោច ខែពិសាខ ឆ្នាំជូតសំរឹទ្ធិស័កតទៅ ចូលពុទ្ធសករាជ ២៥៥២ ។ នឹងគណនាឆ្នាំជូត ឥឡូវនេះ សង្ក្រាន្តចូលមកនៅថ្ងៃអាទិត្យ ៨កើត ខែចេត្រ ត្រូវនឹងថ្ងៃទី ១៣ មេសា គ្រិស្តសករាជ ២០០៨ វេលាម៉ោង ១៨ និង ២៤នាទី ។

ពេលនោះ ព្រះអាទិត្យចេញពីមីនរាសី ទៅស្ថិតនៅឯមេសរាសី តាមផ្លូវគោវិថី គឺផ្លូវកណ្ដាល ។ ទើបមានទេពធីតាមួយព្រះអង្គជាមគ្គនាយិកា ព្រះនាម ធុង្សៈទេវី ជាបុត្រីទី១ នៃកបិលមហាព្រហ្ម គង់នៅចាតុម្មហារាជិកា ទ្រង់អម្ពរពណ៌ក្រហម លម្អនៅព្រះកាណ៌ដោយផ្កាទទឹមអាភរណៈ(១) ទ្រង់ពាក់កែវបទុមរាគភក្សាហារ(២) ទ្រង់សោយផ្លែ ឧទុម្ពរ(៣) ព្រះហស្តស្ដាំទ្រង់ចក្រ ព្រះហស្តឆ្វេង ទ្រង់ស័ង្ខ ទ្រង់គង់ពាក់ឆៀង បើកព្រះនេត្រលើខ្នងសត្វគ្រុឌបក្សីជាពាហនៈ ទើបនាំអស់ទេវបុត្ត ទេពធីតា ទាំងមួយសែនកោដិហោះទៅកាន់គុហាកែវ ធម្មមាលីនាទីភ្នំកៃលាស ខេត្តហិមពាន្ត ជាទីតម្កល់ទុកនូវព្រះសិរសាកបិលមហាព្រហ្ម ដែលតម្កល់លើពានមាសនាំមកដង្ហែប្រទក្សិណភ្នំព្រះសុមេរុរាជតាមផ្លូវព្រះអាទិត្យចរចំនួន៦០នាទី (២៤ម៉ោង) ទើបនាំយកទៅតម្កល់ទុកកន្លែងដើមវិញ ។

ហើយប្រជុំទេវបុត្ត ទេពធីតាទាំងមួយសែនកោដិចូលទៅស្រង់ទឹកអនោតត្តមហាស្រះ ដែលមានទឹកហូរចេញពីបំពង់ថ្មកែវ ដែលជាមាត់គោឧសភរាជទាំង៧ត្រជាក់ក្សេមក្សាន្តព្រះរាជហឫទ័យ ហើយនាំគ្នាចូលទៅសមាទានរក្សាសីលដោយសោមនស្សរីករាយគ្រប់ព្រះអង្គក្នុងភគវតីសភាសាលា ដែលវិស្សកម្មទេវបុត្តនិមិត្តថ្វាយ ដើម្បីបន្ទោបង់អពមង្គល ឲ្យជ្រះស្រឡះ ហើយចម្រើននូវសិរីសួស្ដី ជយមង្គល ជន្មាយុយឺនយូរដល់ទេវតា និង មនុស្សសត្វផងទាំងឡាយតាំងពីឆ្នាំថ្មីចូលមកនេះបានធូរទូលំទូលាយសុខក្សេមក្សាន្តតរៀងទៅ ។

ថ្ងៃអាទិត្យ ៨កើត ខែចេត្រ ត្រូវនឹងថ្ងៃទី ១៣ ខែមេសា គ្រិស្តសករាជ ២០០៧ វេលាម៉ោង ១៨ និង ២៤នាទី ជាថ្ងៃចូលឆ្នាំជូតសំរឹទ្ធស័ក ។

ប្រភព៖ កោះសន្តិភាព
វចនានុក្រម Online sealang.org

(more…)

Posted in [V]-learn Khmer, [V]-this & That | 2 Comments »

អនុមោទនា “ពិធីបំបួសនាគ”

Sunday, March 9th, 2008

កាលពីរសៀលថ្ងៃសោរ៍ ទី២កើត ខែផល្គុន ឆ្នាំកុរ ពុទ្ធសករាជ ២៥៥១ ត្រូវហ្នឹងថ្ងៃទី៨ ខែមិនា ឆ្នាំ២០០៨ (ទិវាសិទ្ធិនារីអន្តរជាតិ) នាវត្តលង្កាក្រុងភ្នំពេញយើងនេះឯង បងប្រុសខ្ញុំបួសជាសាមណេរ ដែលការបំបួសនេះក្រុមគ្រួសារយើងត្រូវបានទទួលកិត្តិយសយ៉ាងខ្ពង់ខ្ពស់ ដោយសម្តេចព្រះមហាអរិយវង្ស សៅ ចន្ទថុល្ល ជាចៅអធិការវត្តលង្កា និង ជាសង្ឃនាយករងនៃពុទ្ធិកសាលវិទ្យាល័យសីហនុរាជ ទ្រង់ព្រះមេត្តាទទួលធ្វើជាគ្រូឧបជ្ឈាក្នុងការបំបួសនាគ ។

បងប្រុសខ្ញុំបានទទួលការអនុញ្ញាតពីម៉ាក់ ដើម្បីធ្វើការបួសរៀនរយៈពេលពីរអាទិត្យ ដើម្បីបំពេញកតព្វកិច្ចជាកូនប្រុស និងដើម្បីធ្វើការតបស្នងសងគុណមាតាបិតាក្នុងជំនឿព្រះពុទ្ធសាសនា ។ គាត់យើងមានបំណងធ្វើការបួសនេះជាច្រើនឆ្នាំកន្លងមកហើយ តែរកឱកាសល្អមិនទាន់បាន ទើបតែក្នុងឆ្នាំនេះ គាត់បានឆ្លៀតរកពេលវេលាសមរម្យសម្រេចបំណងប្រាថ្នាគាត់ ។

នេះជាលើកទីមួយហើយក្នុងជីវិតខ្ញុំ ដែលបានចូលរួមពីធីបំបួសនាគ ។ នេះជាពិធីតូចមួយ ដែលមានតែក្រុមគ្រួសារញាតិមិត្តជិតដិតប៉ុណ្ណោះចូលរួម ។ វេលាព្រឹកយើងបានធ្វើជាចង្ហាន់ត្រង់យកទៅប្រគេនព្រះសង្ឃ ហើយពេលរសៀលប្រហែលម៉ោងពីរ ទើបយើងចាប់ផ្ដើមកម្មវិធីបំបួសនាគ ។ កម្មវិធីនោះគេតម្រូវឲ្យយើងធ្វើការដង្ហែរនាគជុំវិញព្រះវិហារចំនួនបីជុំ ។ ទើបយើងទៅបន្តកិច្ចខាងក្នុងព្រះវិហារ ដែលមានការធ្វើសមាទានសិលប្រាំសម្រាប់អ្នកចូលរួមទូទៅ នឹងការប្រគេនសីលដប់ដល់សាមណេរថ្មី ពីសំណាកគ្រូឧបជ្ឈា ។ កម្មវិធីបំបួសនាគនេះ ត្រូវបានបញ្ចប់នៅវេលាម៉ោងបីកន្លះរសៀល ក្រោមស្នាមញញឹម អំណរសាទរ និងមោទនភាព ពីសំណាក់ញាតិបងប្អូនដែលបានចូលរួម ។

កម្មវិធីនេះខ្ញុំមិនសូវបានកាន់កាមេរ៉ាថតរូបច្រើនទេ ព្រោះរវល់ជាប់បំពេញនាទីជាប្អូនប្រុស តម្រូវឲ្យកាន់បាតលោកពេលដង្ហែរ និង នៅក្បែរគ្រាន់ចាស់ៗប្រើការផ្សេងពេលបំពេញកិច្ចក្នុងព្រះវិហារ ។ តែខ្ញុំកំពុងតែប្រមែប្រមូលពីកាមេរ៉ាបងប្អូនផ្សេងៗទៀត ខ្ញុំនឹងដាក់រូបបន្ថែមម្ដងទៀត រួមជាមួយរូបថតនៅពេលដែលបងប្រុសខ្ញុំធ្វើការលាចាកសិក្ខាបទ ។ សូមអនុមោទនា ៚

ល្បងឃុន

ខ្ញុំ និង ល្បង និង ម៉ាក់ ។

ល្បងឃុន២

ល្បងនិងញាតិបងប្អូន ។

* ចំណេះដឹងបន្ថែម ៖

តាមជំនឿការបួសសងគុណ គេមានចែកចេញជាពីរ២ប្រភេទ ប្រភេទទីមួយ គឺការបួសសងគុណម្ដាយ ទីពីរគឺការសងគុណឪពុក ។
៚ ទីមួយការបួសសងគុណម្តាយ គឺការបួសជាសាមណេ ដែលមានព្រះសង្ឃចូលរួមបំពេញកិច្ចចំនួន១២អង្គ (បូករួមទាំងគ្រូឧបជ្ឈា) ។
៚ ទីពីរជាការបួសសងគុណឪពុក គឺការបួសជាភិក្ខុ ដែលមានព្រះសង្ឃចូលរួមបំពេញកិច្ចចំនួន២១អង្គ (បូករួមទាំងគ្រូឧបជ្ឈា) ។
៚ ចំណែកល្បងខ្ញុំគាត់បូសជាសាមណេតែមានព្រះសង្ឃចូលរួម៣៣អង្គ ដូច្នេះនៅពេលគាត់លាចាកសិក្ខាបទហើយ គាត់និងសាងភ្នួសម្ដងទៀតជាភិក្ខុ ដើម្បីគម្រប់ និងបំពេញតាមជំនឿខាងលើ ដែលធ្វើការសងគុណម្តាយ និង ឪពុក ។

Posted in [V]-action, [V]-interested, [V]-learn Khmer | 12 Comments »

បុណ្យមាឃបូជា

Thursday, February 21st, 2008

មាឃបូជា (មាឃៈ- ) ន. (សំ. បា. មាឃ + បូជា) ការធ្វើបូជាក្នុងមាឃ ។ ឈ្មោះបុណ្យមួយសម្រាប់ពុទ្ធសាសនា ធ្វើក្នុងថ្ងៃពេញបូរមីខែមាឃ រំឮកដល់ សាវកសន្និបាត “ការប្រជុំសាវ័ក” នៃព្រះសម្ពុទ្ធដែលហៅថា ចាតុរង្គសន្និបាត “ការប្រជុំមានអង្គបួន” គឺ ៖

១- ថ្ងៃនោះព្រះចន្ទ្រចរចូលដល់មាឃនក្សត្រ (ថ្ងៃពេញបូរណ៌មីខែមាឃ) ។

២- ព្រះភិក្ខុសង្ឃចំនួន ១២៥០រូប ឥតបានមត់កំណត់ពេលគ្នាជាមុនសោះ ក៏ស្រាប់តែមកប្រជុំព្រមគ្នា ក្នុងសំណាក់ព្រះបរមសាស្ដា ។

៣- ព្រះភិក្ខុសង្ឃទាំងអម្បាលនោះសុទ្ធតែជាឯហិភិក្ខុដូចគ្នាទាំងអស់ ។

៤- ព្រះភិក្ខុសង្ឃទាំងនោះសុទ្ធតែជាព្រះអរហន្ត ។

ការប្រជុំមានអង្គ៤ដូច្នេះ ក្នុងពុទ្ធសម័យមានតែម្តងគត់; ក្នុងវេលានោះ ព្រះសម្មាសម្ពុទ្ធទ្រង់ត្រាស់សម្ដែងឱវាទបាតិមោក្ខ … ។ ពួកពុទ្ធមាមកជនគ្រប់ប្រទេសក្នុងសាសនកាលរៀងមក កំណត់យកថ្ងៃពេញបូរណ៌មីខែមាឃរាល់ឆ្នាំ ថាជាថ្ងៃសំខាន់មួយក្នុងការធ្វើបូជា : ថ្ងៃមាឃបូជា, បុណ្យមាឃបូជា ។

(វចនានុក្រមខ្មែរ ការចេញផ្សាយរបស់ពុទ្ធសាសនបណ្ឌិត្យ បោះពុម្ពគ្រាទី៥ ទំព័រ ៨៧២)

Posted in [V]-interested, [V]-learn Khmer | 11 Comments »

មនោសញ្ចេតនា និង ស្នេហា

Sunday, January 13th, 2008

ប៉ុន្មានថ្ងៃមុនខ្ញុំមានពេលទំនេរនៅផ្ទះបានមើលរឿងភាគចិនមួយ គេបានលើកយកបញ្ហាពីរមកធ្វើការប្រៀបធៀបវែកញែកជាចំណោទ ដើម្បីបែងចែកឲ្យដាច់ពីគ្នា ថាតើមនោសញ្ចេតនា និង ស្នេហា ខុសគ្នាត្រង់ណា? សាច់រឿងនោះល្អមើល ហើយមានចំណោទបញ្ហាទៀត ធ្វើឲ្យអ្នកតាមដាន សឹងមិនហ៊ានព្រិចភ្នែក ។ គ្រាន់តែឮពីចំណោទនេះភ្លាម ហាក់មានអារម្មណ៍ម្យ៉ាងប្រាប់ថា ពាក្យទាំងពីរនេះមានន័យខុសគ្នា តែពិបាករកអ្វីមកជាសំអាងណាស់ ថាវាខុសគ្នាយ៉ាងម៉េច! ខ្ញុំស្ទុះទៅមើលវចនានុក្រមភាសាខ្មែរភ្លាមដែរ ដើម្បីរកមើលពន្យល់ពាក្យ តែហាក់នៅស្រពិចស្រពិល ។ តោះយើងនាំគ្នាមើលការពន្យល់ពាក្យសិនទៅ មុនហ្នឹងអានសាច់រឿងសង្ខេប (ដាក់ជូនអានពេលក្រោយព្រោះកំពុងសង្ខេប) ។

មនោសញ្ចេតនា : សេចក្តីរិះគិតក្នុងចិត្ត; ចំណុចរបស់ចិត្ត; ការទទួលដឹងនូវអារម្មណ៍ ដែលមកប៉ះចិត្ត; អធ្យាស្រ័យប្រកបដោយករុណា;…. ។

ស្នេហា (ស្នែហា) ន. ឬ គុ. (សំ. ស្នេហ; បា. សិនេហ ឬជា ស្នេហ ដូច សំ. ដែរ) សេចក្តីស្រឡាញ់ស្និទ្ធ, សេចក្តីស្រឡាញ់ជាប់ចិត្ត ស្អិតដូចជ័រ : ដោយស្នេហា, មានស្នេហា, ព្រោះស្នេហា, ពេញស្នេហា

ព. ពុ. ថា : ស្នេហាសុទ្ធតែកើតមានឯងៗ ព្រោះជាស្វ័យប្រវត្តិឥតចាំបាច់រៀនទេ សត្វលោករមែងចេះឯងតាមធម្មតាស្រេចស្រាប់ពីកំណើតព្រោះសាធារណសត្វមានអវិជ្ជា, តណ្ហា, កម្មជាដើមជាប្រភព សូម្បីសុខុមសត្វតូចតាចក៏មានស្នេហាដែរ ដោយឥតបាច់រៀនពីគ្រូណាឡើយ …

(ម. ព. ស្នេហ៍ ១ កិ. និង ស្នេហ៍ ២. ន. ទៀតផង) ។ (ច្រើនប្រើក្នុងពាក្យ): ហៃមាសស្នេហា ក្រែងបានផ្តាំថា ឲ្យខ្ញុំចូលមក ពុំមែនទេឬ កែវថ្លៃពន្លក ខ្ញុំបានជាមក ហើយឲ្យទៅណា ? . . . ។ ប្រលោមលោកស្នេហា (មើលក្នុងពាក្យ ប្រលោមលោក) ។ល។

ព. ពុ.    ពាក្យសម្រាប់ប្រើខាងព្រះពុទ្ធសាសនា
ម. ព.    មើលពាក្យ
គុ.         គុណសព្ទ
ន.         នាមសព្ទ
កិ.         កិរិយាសព្ទ
បា.       បាលី
សំ.       សំស្ក្រឹត

Posted in [V]-idea, [V]-learn Khmer | 7 Comments »

M	T	W	T	F	S	S
« Feb
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31

memoRYA

Archive for the ‘[V]-learn Khmer’ Category

រាជធីតុបតី និង រាជសុណិសា

shots of “ផ្លែថ្កូវ”

ឈ្មោះជាផ្លូវការរបស់ “សាលាក្រុងភ្នំពេញ”

Take A Bow [MADONNA]

ខ្ទាស់គន្លឹះទ្វារ (ការពារសុនខ “ឆ្កួត”)

វីហ្វូតូ! ៚

A forward Email Story “Daniel & Jasmine”

មហាសង្ក្រាន្តឆ្នាំថ្មី ឆ្នាំជូតសំរឹទ្ធិស័ក ព.ស.២៥៥២

អនុមោទនា “ពិធីបំបួសនាគ”

បុណ្យមាឃបូជា

មនោសញ្ចេតនា និង ស្នេហា

Pages

Categories

Archives

Recent Posts

Recent Comments

វចនានុក្រម

ប្រតិទិនខ្មែរ

តំណផ្សេងៗ

Khmer Unicode 2.0.1

Meta

Looking in Side Me…hehehe

Blogroll

Archive for the ‘[V]-learn Khmer’ Category

វីហ្វូតូ! ៚

Pages

Categories

Archives

Recent Posts

Recent Comments

វចនានុក្រម

ប្រតិទិន​ខ្មែរ

តំណ​ផ្សេងៗ

Khmer Unicode 2.0.1

Tags

Meta

Looking in Side Me…hehehe

Blogroll

ប្រតិទិនខ្មែរ

តំណផ្សេងៗ